ჟურნალისტი თამუნა მუსერიძე და მსახიობი სანდრო მიკუჩაძე-ღაღანიძე რამდენიმე წელია რაც ცოლ-ქმარნი არიან. მათ ორი საერთო გოგონა ჰყავთ, წინა ქორწინებიდან კი თამუნას ვაჟი ჰყავს, სანდროს - კი გოგონა.

მუსერიძე ოჯახურ ამბებს იხსენებს და ამბობს, რომ მისი და სანდროს შეუღლება ბევრს არ უხაროდა და მათ ოჯახშიც ყოფილა რთული პერიოდები:

"უპირველესად ეს ეხება სანდროზე შეყვარებულ გოგონებს. ისინი სახლში გვივარდებოდნენ და ისტერიკებს აწყობდნენ. მიუხედავად იმისა, რომ ჩვენი ერთად ყოფნა დიდმა სიყვარულმა განაპირობა, მაინც გვქონდა რთული პერიოდები და მცირე უთანხმოებები, რას ყველა ოჯახში ხდება. თუმცა, წლებმა ყველაფერი დაალაგა და გვიჩვენა, რომ ჩვენ ერთმანეთისთვის ძალიან ძვირფასები ვართ. ამის შემდეგ ჩვენი სიყვარული უფრო გამძაფრდა, ახლა შეკრული ოჯახი ვართ", - აღნიშნავს თამუნა "სარკესთან" საუბრისას.