რუსთავის აზოტის ქარხნის მიმდებარედ შუახნის მამაკაცს ეძებენ. ქარხნის ტერიტორიაზე არსებულ წყლის არხში მამაკაცი თევზაობის დროს წყალში ჩავარდა, რის შემდეგადაც ძლიერმა დინებამ ის გაურკვეველი მიმართულებით გაიტაცა.

ამ წუთებში ადგილზე სამაშველო სამსახურის ათობით ბრიგადაა მობილიზებული. მათ წყლის დონე ხელოვნურად დაწიეს რათა სამძებრო სამუშაოები გაადვილდეს. სამაშველო სამსახურის ბრიგადას მყვინთავების ჯგუფიც შეუერთდა.