ვიეტნამში კორონავირუსის ახალი შტამი დაფიქსირდა, რომელიც ინდურისა და ბრიტანული შტამების სინთეზითაა განვითარებული და ბევრად უფრო სწრაფად და მარტივად ვრცელდება, ვიდრე დანარჩენი შტამები.

აღნიშნული ინფორმაცია საზოგადოებას ვიეტნამის ჯანდაცვის მინისტრმა ნგუენ თან ლონგმა მიაწოდა:

"ახლად დაინფიცირებული პაციენტების გენეტიკური სექვენირების შემდეგ, აღმოვაჩინეთ ახალი ვარიანტი. რომელიც ინდური და ბრიტანული შტამების ნაზავია. უფრო კონკრეტულად, ეს არის ინდური შტამის მუტაცია, რომელიც თავდაპირველად ბრიტანულ ვარიანტს მიეკუთვნებოდა", - განაცხადა ვიეტნამის ჯანდაცვის მინისტრმა.