"ლიბერთი ბანკში" თანხების მითვისების ფაქტს ბანკის მოლარე ადასტურებს და ამბობს, რომ მენეჯერის პირდაპირი მითითებით სხვადსხვა უცნობი პირების ანგარიშზე თანხები გადარიცხა.
"მენეჯერმა თავისი ქვითრით, თანხით, თვითონ გააღო სალაროს კარი შემოვიდა და გვეუბნება ვის გაქვთ ბევრი თანხები? ვუთხარი, რომ მე ვარ მორიგე და მე მაქვს თანხები. მაშინო აი ეს ქვითარიც და თანხაც სასწრაფოდ დამიდასტურეთ ანგარიშზე არის თანხის შეტანაო, მომხმარებელი მე მიზის წინო. თვითონ მენეჯერმა შემოიტანა თანხა 8640 ლარი. ჩემი იქ ყოფნის დრო მეორე მოლარესთან მოხდა იგივე 2-3-ჯერ",- აცხადებს "ლიბერთი ბანკის" ერთ-ერთი მოლარე "მთავარ არხთან" საუბრისას.
ცნობისთვის, "ლიბერთი ბანკიდან" 2 მილიონ 533 ათასი ლარი, 202 ათასი აშშ დოლარი და 80 ათასი ევრო მოიპარეს.
აღნიშნული თანხის გაფლანგვის ფაქტი შიდა აუდიტმა გამოავლინა.
ბანკმა ბათუმის საქალაქო სასამართლოში თანხების მითვისების საქმეზე 9 თანამშრომელთან დაკავშირებით შეიტანა სარჩელი.
მასალის გამოყენების პირობები