ზუგდიდში, ფაიფურის დასახლებაში დევნილები აქციას მართავენ. ისინი ხელისუფლებისგან საცხოვრებელი ბინებით დაკმაყოფილებას ითხოვენ.

როგორც აქციის მონაწილეები აცხადებენ, მათ ცხოვრება გაუსაძლის პირობებში უწევთ, სადაც არც წყალია და არც კანალიზაცია, იმავე ტერიტორიაზე კი ქარხნები მდებარეობს, რაც მათ ჯანმრთელობას საფრთხეს უქმნის.

ამ წუთებში დევნილებს ქარხნის შესასვლელი აქვთ პიკეტირებული და შიგნით თანამშრომლებს არ უშვებენ. აქციის მონაწილეები დევნილთა სამინისტროს წარმომადგენლობასთან შეხვედრას ითხოვენ, მოთხოვნის დაუკმაყოფილებლობის შემთხვევაში კი აქციის სამინისტროსთან გადანაცვლებას აანონსებენ.