დედოფლისწყაროში ადგილობრივებმა სასმელი წყლის მიწოდების მოთხოვნით აქცია გამართეს.

აქციის მონაწილეების განცხადებით, მათ წყალი გრაფიკით, სამ დღეში ერთხელ, რამდენიმე საათით მიეწოდებათ, ცალკეულ უბნებში კი დაბალი წნევის გამო წყალი საერთოდ არ აქვთ.

ადგილობრივები გაერთიანებული წყალმომარაგების კომპანიის სერვისცენტრთან შეიკრიბნენ.

როგორც კომპანიის წარმომადგენელმა განმარტა, დედოფლისწყაროსა და ორ სხვა სოფელში, წყალმომარაგების გაუმჯობესების მიზნით, პროექტი ივლისის თვეში დაიწყება. პროექტის დასრულებამდე კი პრობლემურ უბნებს წყალმზიდებით მოამარაგებენ.