სემეკის ხელმძღვანელი დავით ნარმანია სამომხმარებლო ბუნებრივი აირის ტარიფის მატებასთან დაკავშირებით განმარტებას აკეთებს და აცხადებს, რომ "თბილისი ენერჯიმ" 20 მილიონ ლარზე მეტი ზარალი ნახა, ტარიფის გაზრდით კი კომპანია წელში გასწორდება:

"მათ მიერ ბოლო წელიწადნახევრის განმავლობაში არსებული 20 მილიონ ლარზე მეტის ზარალი, რომელიც კურსთა შორის სხვაობით იყო გამოწვეული, იქნება კომპენსირებული ტარიფის იმ ნაზრდით, რომელზეც დღეს ჩვენ მივიღეთ გადაწყვეტილება. შესაბამისად, თბილისი ენერჯის არეალში ტარიფი იზრდება 8 თეთრამდე. ამით კომპანია გასწორდება წელში, რათა მან შეძლოს მომავალში არსებული სხვა ვალდებულებების შესრულებაც, - აცხადებს ნარმანია.

შეგახსენებთ, სემეკმა გაზის ახალი ტარიფი დაამტკიცა, რომლის მიხედვითაც თბილისის მოსახლეობას გაზი 8 თეთრით გაუძვირდა.