უფლებადამცველ ბაია პატარაიას ფეისბუკ-სტატუსს, რომელიც ტელეწამყვან ეკა კვესიტაძის მისამართით დაწერა, მთავარი არხის გენერალური დირექტორი ნიკა გვარამია გამოეხმაურა.

გვარამიამ პატარაიას პოსტს სამარცხვინო სისულელე უწოდა და დასძინა, რომ საკითხი, რომელზეც მიწვეული იყო პატარაია გადაცემაში, მასზე უკეთ იცის და უკეთ ერკვევა ნამახვანის პრობლემებში:

პატარაიას სტატუსს ნიკა გვარამიამ უპასუხ და პოზიციას, რომ „ნამახვანჰესის” თემაზე „მთავარ არხზე” არ მივა, რადგან იქ მტრული გარემოა, „სამარცხვინო სისულელე” უწოდა.

"რა სამარცხვინო სისულელე დაწერე ბაია პატარაია, გესმის მაინც? მეტს კი არაფერს ამბობს ქართული ოცნება ოპოზიციური არხების ბოიკოტირების შესახებ. ან რა იერარქიები მოშიშვლდა, რა მტრული გარემო, რა ბოვდაა? ულტრანაციონალისტური, ულტრა რელიგიური და აბსურდული კოლექტივიზაციის ტექტსები ხო მოგწონს სამაგიეროდ? ხოდა დარჩი მანდ, არ მოხვალ გინდა შენ და გინდა სხვა და ნუ მოხვალთ, გავძლებთ რამენაირად. დააკლდება იმ პოზიციას, ვისი დამცველიც არ მოდის.

ps დარწმუნებული ვარ, შენზე ბევრად უკეთესად ვიცი ნამახვანის პრობლემები. დარწმუნებული ვარ, საერთოდ აზრზე არ ხარ არც კონტრაქტის, არც EMC დასკვნის, არც იუსტიციის გაჟონილი დოკუმენტის."- დაწერა გვარამიამ.

ცნობისთვის, ეკა კვესიტაძემ სოციალურ ქსელში პოსტი გამოაქვეყნა, სადაც წერდა, რომ მის მიმართ უსამართლო კრიტიკა ადამიანურად ეწყინა.