საქსტატმა მოსახლეობის შემოსავლისა და ხარჯვიანობის მაჩვენებლის შესახებ კვლევა გამოაქვეყნა, სადაც გასული წლის მონაცემებია ასახული.

კვლევიდან ჩანს, რომ 2020 წლის საშუალო თვიური შემოსავალი მოსახლეობას 2019 წლის ანალოგიურ პერიოდთან მიმართებაში 4,5%-ით შეუმცირდა და 1 194.6 მილიონი ლარი შეადგინა.

2020 წელს შინამეურნეობაზე თვიური შემოსავალი 6,4%-ით, ერთ სულზე კი 4,4%-ით შემცირდა.

ქალაქის ტიპის დასახლებებში საშუალო თვიური შემოსავლის მოცულობა 4,3%-ით შემცირდა და 747.8 მილიონი ლარი შეადგინა.

სოფლის ტიპის დასახლებებში კი 5,0%-ით შემცირდა, ჯამში კი 446.9 მილიონი ლარი შეადგინა.

2020 წელს დაქირავებული შრომიდან მიღებული შემოსავალი, გასული წლის ანალოგიურ მაჩვენებელთან შედარებით 0.9%-ით შემცირდა და 47.8% შეადგინა.

თვითდასაქმებიდან მიღებული შემოსავლები 2.0%-ით შემცირდა და 9.4%-ით განისაზღვრა. საშუალო თვიური ხარჯების მოცულობა ერთ შინამეურნეობაზე 9.4%-ით შემცირდა და 1 038.5 ლარი შეადგინა, ხოლო ერთ სულზე 7.4%-ით შემცირდა და 303.3 ლარით განისაზღვრა.

ქალაქის ტიპის დასახლებებში ჯამური ხარჯების მოცულობა 6.5%-ით შემცირდა და 714.4 მილიონი ლარი შეადგინა.

სოფლის ტიპის დასახლებებში კი 9.4%-ით შემცირდა და 412.9 მილიონი ლარი შეადგინა.