"ენმ"-ს წევრი და ტელეწამყვანი ,ნანუკა ჟორჟოლიანი, "ნამახვანჰესის" მოწინააღმდგეთა აქციის ორგანიზატორის, ვარლამ გოლეთიანის დღევანდელ განცხადებას ეხმაურება და წერს, რომ ვერანაირი აქცია დამოუკიდებლობის დღის საპირწონე ვერ იქნება.

"მახსოვს, 2006 წელს, ოპოზიციის აქციაზე გაისმა მოწოდება, აღლუმი ჩავშალოთო და ვთვლიდი რომ ძალიან არასახელწმიფოებრივი განცხადება იყო. დღესაც იგივეს ვფიქრობ. მე რომ გავდიოდე რუსთაველზე, აუცილებლად წავიდოდი აღლუმზე. მნიშვნელობა არ აქვს ვინ არის ხელისუფლებაში, აღლუმი, კონკრეტული თარიღები, სიმბოლიკები ხელუხლებელია. ვერანაირი აქცია ვერ იქნება დამოუკიდებლობის დღის საპირწონე", - წერს ნანუკა ჟორჟოლიანი სოციალურ ქსელში.