სისხლიანი დაპირისპირება და დაჭრა გორში

სისხლიანი დაპირისპირება და დაჭრა გორში - დაკავებულია 1 პირი

კრიმინალი - 10:58, 23 May, 2021

1547

სისხლიანი დაპირისპირება და დაჭრა გორში - ე.წ. კომენდანტის საათის დროს 50 წლის მამაკაცმა 60 წლის მამაკაცი დაჭრა.

აღნიშნულ ფაქტზე შსს-მ 1 პირი დააკავა - ამის შესახებ უწყება განცხადებას ავრცელებს:
"შინაგან საქმეთა სამინისტროს შიდა ქართლის პოლიციის დეპარტამენტის გორის რაიონული სამმართველოს თანამშრომლებმა, ცხელ კვალზე ჩატარებული ოპერატიული და საგამოძიებო ღონისძიებების შედეგად, 1972 წელს დაბადებული, წარსულში ნასამართლევი დ.ა. ჯანმრთელობის განზრახ მძიმე დაზიანების ბრალდებით დააკავეს.
გამოძიებით დადგინდა, რომ ბრალდებულმა ქალაქ გორში, ერთ-ერთი საცხოვრებელი კორპუსის სადარბაზოში, ურთიერთშელაპარაკებისას, ნაცნობი - 1958 წელს დაბადებულ ვ.კ. ცივი იარაღის გამოყენებით ზურგის არეში დაჭრა. დაჭრილი მამაკაცი კლინიკაში მოათავსეს, სადაც შესაბამისი სამედიცინო დახმარება გაეწია.პოლიციამ დანაშაულის ჩადენის იარაღი - დანა ნივთმტკიცების სახით ამოიღო" , - ნათქვამია განცხადებაში.
გამოძიება საქართველოს სსკ-ის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.დანაშაული 3 - დან 6 წლამდე ვადით თავისუფლების აღკვეთას ითვალისწინებს.