დაავადებათა კონტროლის ეროვნული ცენტრის დირექტორის მოადგილემ პაატა იმნაძემ ჟურნალისტების მიზნობრივ ჯგუფში ვაქცინაციის შესახებ გააკეთა კომენტარი და აღნიშნა, რომ მედიის წარმომადგენლები არ არიან ისეთ რისკ-ჯგუფებში, როგორც ექიმები, პოლიციელები და ა.შ. ამიტომ, მათი რეგისტრაციის გარეშე აცრის წინააღმდეგია:

"როცა ჟურნალისტების აცრის საკითხი დაისვა, მე ამის წინააღმდეგი ვიყავი. ჟურნალისტები ის ადამიანები არიან, ვინც კომპიუტერის მოხმარება ამ ქვეყანაში არავისზე ნაკლებად არ იციან. მე მესმის, რომ ვთქვათ სამაგალითოდ რამდენიმე ჟურნალისტი, ცნობადი სახეების კატეგორიაში რომ გადიან, აიცრა და მაგალითი მისცა. ეს ძალიან კარგია, მაგრამ ისე, რომ ჯგუფი გამოიყოს იმიტომ, რომ ჟურნალისტია... ხო არის რაღაც პროფესიული ჯგუფები, თქვენც ერთ-ერთი პროფესიული ჯგუფი ხართ, გასაგებია, მაგრამ ექიმებისნაირი რისკი გაქვთ? - არა. პოლიციელებისნაირი რისკი გაქვთ? - ალბათ, არა. კიდევ ერთხელ ვამბობ, ძალიან კარგად იცით კომპიუტერის მოხმარება, შეგიძლიათ დარეგისტრირდეთ და სადაც გინდათ იქ აიცრათ" - განაცხადა იმნაძემ.