Glovo-ს კურიერების გაფიცვას Wolt-ისა და Bolt-ის თანამშრომლები სოლიდარობის ნიშნად უერთდებიან. სამივე კომპანიის კურიერები ერთად შეიკრიბებიან და მასშტაბურ მსვლელობას მოაწყობენ თბილისის ქუჩებში:

"გლოვოს დავუდექით გვერდში, იმიტომ რომ ერთი ტკივილი გვტკივა ამათაც და ჩვენც. ვინც რაღაც მოითხოვა, თავისი პროტესტი გამოხატა, მოითხოვა, რომ ხელფასი არ მოაკლდეს, გაუთიშეს პროგრამა და ვეღარ შემოვიდა სამუშაოდ და ასე დანერგეს შიში. ასე თუ ისე 200-300 კაცამდე გააჩერეს,"- აღნიშნა Wolt-ის კურიერმა.

შეგახსენებთ, კურიერებმა გაფიცვა მას შემდეგ გადაწყვიტეს, რაც კომპანიამ მათ საბობუსე სისტემა მოუხსნა და ხელფასები შეუმცირა.