ისრაელში საქართველოს საელჩო სოციალურ ქსელში ორ ინფორმაციას ავრცელებს და ისრაელში მყოფ საქართველოს მოქალაქეებს აფრთხილებს.

"ყურადღებით!

ვრცელდება ინფორმაცია თელ ავივზე და შესაბამისად, ქვეყნის ცენტრზე საჰაერო თავდასხმასთან დაკავშირებით.

დაბრუნდით საცხოვრებელ სახლებში! არ გაჩერდეთ ისეთ ღია სივრცეში, საიდანაც თავშესაფარი მიუწვდომელია.

ქალაქები: აშკელონი, შდეროთი, აშდოთი, იავნე, გადერა, ბათ იამი, ლოდი, რამლე, ხულონი, რიშონ ლეციონი, რამათ განი, გივატაიმი, ორეუდა, პეტახ ტიკვა, ბნეი ბრაკი და მათი შემოგარენი საფრხის ქვეშაა.

გთხოვთ, დაიცვათ უსაფრთხოების ელემენტარული წესები."

"ღაზას სექტორის საზღვრიდან 4 კმ რადიუსში მყოფი მოსახლეობა სავალდებულოდ უნდა დარჩეს თავშესაფარში, ადგილზე შემდეგი მითითების მიღებამდე", - აღნიშნულია საელჩოს ინფორმაციაში."