დაავადებათა კონტროლის ეროვნული ცენტრის ხელმძღვანელის ამირან გამყრელიძის განმარტებით, ქვენაყანში ეპიდემიოლოგიური ვითარება უმჯობესდება, თუმცა, იმატა გარდაცვალების შემთხვევებმა. გამყრელიძემ კიდევ ერთხელ მოუწოდა მოსახლეობას, დაიცვან რეგულაციების, რათა მდგომარეობა არ გართულდეს:

„ჩვენ ახლა გავდივართ პიკს და გარკვეულწილად ვართ პიკის დაღმავალ ფერდზე, ანუ თანდათან შეიძლება ითქვას, რომ ეპიდემიოლოგიური მდგომარეობა უმჯობესდება. თუცა, სამწუხაროდ, ერთ-ერთი ყველაზე ძლიერი და ყველაზე სერიოზული ინდიკატორი, როგორიც არის სიკვდილიანობა, ჯერჯერობით მაღალ ნიშნულზეა. მოგეხსენებათ, სიკვდილიანობა 2-3 კვირით მიყვება ეპიდსიტუაციის პიკს, ანუ იზრდება სიკვდილიანობა სწორედ პიკური პერიოდიდან 2 კვირის შემდეგ. ახლა დაახლოებით ამ ფაზაში ვართ, ამიტომ მაქსიმალურად უნდა შევეცადოთ, რომ ყველა რეკომენდაცია შევასრულოთ და მაისი როგორმე ამ დამშვიდებისკენ ტენდენციით გავიაროთ“, - განაცხადა გამყრელიძემ.