"გლოვოს" აპლიკაციის გამოყენება, სავარაუდოდ, დღესაც შეზღუდული იქნება. მიზეზი შეცვლილი ანაზღაურების გამო, კურიერების გაფიცაა, რაც ამ დრომდე გრძელდება.

"კომპანია "გლოვომ" შემოგვთავაზა და აპირებს განახორციელოს ორეტაპიანი განახლებული ფინანსური სისტემა, რომელიც კურიერების აზრით, გამოიწვევს ჩვენი შემოსავლების შემცირებას. ეს არის ყოველკვირეული საბონუსე სისტემის გარდაქმნა-გაუქმება და საათობრივზე გადაყვანა და ასევე კილომეტრაჟის დათვლის ფაქტიურად განახევრება. სამწუხარო ფაქტი ის მოხდა, რომ პროტესტის დაწყებიდან 2-3 საათში 700-მდე კურიერი დაიბლოკა. შეგვიწყვიტეს ხელშეკრულება და უკან დასახევი გზაც კი ჩახერგილი გვაქვს, რადგან უმუშევრები დავრჩით", - განაცხადა კურიერმა მიშა მამალაძემ.