ფოთში 48 წლის ექთანი ირმა თოფურია კორონავირუსის რეინფიცირების შედეგად გარდაიცვალა.

გავრცელებული ინფორმაციით, ექთანს ინფექცია 8 თვის წინ დაუდასტურდა, თუმცა მაშინ ჩვეულებრივ დაამარცხა ვირუსი. მეორედ დაინფიცირებისას კი მკურნალობის პერიოდში მდგომარეობა მოულოდნელად დამძიმდა.

როგორც საგანგებო სიტუაციების კოორდინირებისა და გადაუდებელი დახმარების ფოთის ცენტრის დირექტორი კესო გელენიძე აცხადებს, ექთანმა იმავე კლინიკაში დაიწყო მკურნალობა, სადაც მუშაობდა, თუმცა ორ დღეში მდგომარეობა იმდენად მძიმე იყო, რომ თბილისში გადმოყვანა გახდა საჭირო:

"ირმას კორონავირუსი პირველად 5 ოქტომბერს დაუდასტურდა. ის პარალელურად ფოთის საავადმყოფოშიც მუშაობდა და როგორც კი ვირუსი ხელმეორედ დაუფიქსირდა, მალევე გააგრძელა იქ მკურნალობა, მაგრამ ორ დღეში უეცრად დამძიმდა. მერე გადავიყვანეთ თბილისში ლევან რატიანთან, სადაც დღემდე ათი დღე მკურნალობდა. დღეს სამწუხაროდ გარდაიცვალა" - აცხადებს გელენიძე.