ტვ პირველი სექსუალური და ფიზიკური ძალადობის მსხვერპლი ქალის შესახებ აქვეყნებს ინფორმაციას, საიდანაც ცნობილი ხდება, რომ ქალის მეგობარი მამაკაცი მასზე ფიზიკურად და სექსუალურად წლების განმავლობაში ძალადობდა. მუქარით კი გაჩუმებას აიძლებდა:

"ძალადობის ბრალდებით მამაკაცი ცოტა ხსნის წინ დააკავეს, თუმცა დაზარალებული ქალი აღნიშნავს, რომ ახლა მას დაკავებულის ოჯახის წევრები ემუქრებიან.

"პირველების" რესპონდენტი იხსენებს, რომ მამაკაცი საკუთარ ოჯახის წევრებზეც ძალადობდა.

"თავის არეში მირტყამდა და მეუბნებოდა, რომ ისე უნდა გაგთიშო, რომ ვერ მიცნოო. ვინმე საშველად რომ მოვიდეს და ასეთი გნახოს, იმ წუთას გამოგჭრი ყელსო. როცა ძალიან ნაცემი ვიყავი, სხეულის ყველა წერტილი მტკიოდა, მაშინ უნდოდა სექსუალური კავშირის დამყარება"- აცხადებს დაზარალებული.

45 წლის ქალის ინტერესებს ადვოკატი მარიამ კუბლაშვილი იცავს. უფლებადამცველი ამბობს, რომ დაკავებულის ოჯახის წევრები მას სიცოცხლის მოსპობით დაემუქრნენ.

საგამოძიებო უწყებამ აღნიშნულ საქმეზე გამოძიება სამი მუხლით დაიწყო. ბრალის დამტკიცების შემთხვევაში დაკავებულს 10-დან 15 წლამდე პატიმრობა ემუქრება".

წყარო: ტვ პირველი