ჭიათურაში სამმა ადგილობრივმა პროტესტის უკიდურეს ფორმას მიმართა და პირი ამოიკერა. ისინი კომპანია "ჯორჯიან მანგანეზის" მიერ მიყენებული ზარალის სანაცვლოდ კომპენსაციას ითხოვენ, რაზეც კომპანიამ მათ უარი უთხრა.

როგორც ცნობილი ხდება, "ჯორჯიან მანგანეზის" საქმიანობის გამო ჭიათურაში არა ერთი მაცხოვრებელი დაზარალდა. კომპანია მათი საცხორვებელი სახლების ქვეშ მადანს მოიპოვებს, რის გამოც სახლების კედლები დაბზარულია, სახნავ-სათესი მიზები კი დამეწყრილი.

აღნიშნულ პრობლემასთან დაკავშირებით ადგილობრივებმა ჭიათურაში საპროტესტო აქცია წინა თვესაც გამართეს, თუმცა არც მერია და არც კომპანია მათი პრობლემებით არ ინტერესდება.