ლონდონში, მდინარე ტემზის დამბის რიჩმონდის შლუზში ახალგაზრდა ვეშაპი გაიჭედა, რომელიც მცირე ზოლიან ვეშაპთა კლასს მიეკუთვნებოდა. ზღვის ძუძუმწოვრის სიგრძე 4 მეტრს აღწევდა. ის 6 საათის განმავლობაში უშედეგოდ ცდილობდა დამბიდან გამოსვლას.

ლონდონის ასობით მცხოვრები შეიკრიბა სამაშველო ოპერაციის საყურებლად, რომელიც რამდენიმე საათს გაგრძელდა. მაშველების მოსვლამდე ერთი მამაკაცი ვეშაპს სარწყავი მილით წყალს ასხამდა.

მაშველებმა ვეშაპი ბუქსირით გამოიყვანეს და მის ზღვაში გაყვანას ცდილობდნენ, მაგრამ მან თავი გაითავისუფლა და თავად გაცურა.

ვეტერინარები მოსახლეობას სთხოვენ, რომ ყურადღება მიაქციონ ზღვის ნაპირს, რადგან ვეშაპი არც თუ ისე კარგ მდგომარეობაშია და მას შეიძლება პრობლემები შეექმნას.