დაავადებათა კონტროლის ეროვნული ცენტრის დირექტორის ამირან გამყრელიძის განცხადებით, საქართველოში ვაქცინაციის შემდგომი გართულება 120 პაციენტს აღენიშნა, რომელიც მსუბუქი და საშუალო სიმძიმის იყო. რაც შეეხება ანაფილაქსიურ შოკს, ის მხოლოდ ერთ პაციენტში დაფიქსირდა:

„სულ 120-მდე მსუბუქი და საშუალო სიმძიმის გართულებაა დაფიქსირებული. ვისაც სიცხემ აუწია ან ნანემსარი ეტკინა, არ ფიქსირდება. ამ 120-დან ხდება ზოგიერთის უკუგდება, ზოგიერთის დატოვება, რაც შეეხება ანაფილაქსიურ შოკს, კლინიკის მიერ დაფიქსირებული იყო მხოლოდ 1. არ ვიცი, საბჭოს მიერ მისი უკუგდება მოხდა თუ არა“, - განაცხადა გამყრელიძემ.