დაავადებათა კონტროლის ეროვნული ცენტრის ხელმძღვანელის მოადგილემ პატა იმნაძემ აჭარის ტელევიზიის ეთერში კორონავირუსთან დაკავშირებულ ვაქცინაციასა და ვაქცინირებულ პირებზე ისაუბრა. მისი თქმით, აცრა ორჯერ უნდა განხორციელდეს, მოქალაქეები კი პირველივე აცრის შემდეგ თამამდებიან:

"ჩვენ გვაქვს შემთხვევები, როდესაც პირველი აცრის შემდეგ ადამიანები გახდნენ ავად. ვიღაც ინკუბაციურ პერიოდში იყო, როდესაც აიცრა. სხვათაშორის გათამამდა ზოგი აცრილი და ჰგონია, რომ... ეგრე არ არი, აცრის შემდეგ პირველი ორი კვირა დაცულად არ ხარ. აქედან გამომდინარე, ძალიან უნდა მოვუფრთხილდეთ თავს. არის შემთხვევები, როცა ადამიანები ავად ხდებიან და საბედნიეროდ, ძალიან მსუბუქად გადაიტანა ყველამ, ის აცრა მაინც თავს საქმეს აკეთებს. ინფიცირებულიც რომ იყოს ადამიანი და ჯერ არ იცოდეს, პირიქით, თუ აიცრება, ის იმასაც კი უშველის და უფრო მსუბუქად წავა" - განაცხადა იმნაძემ.