ივერი მელაშვილი დავით გარეჯში მომხდარი ინციდენტის შემდეგ მედიასთან პირველ კომენტარს აკეთებს და აცხადებს, რომ თავდამსხმელები "შეცდომაში შეყვანილები არიან ხელისუფლების, ამ პროვოკატორების მიერ".

"​სასულიერო პირებიც და მოქალაქეებიც, ვინც დამიპირისპირდა, შეცდომაში არიან შეყვანილები. ზოგი შეიძლება იყოს პროვოკატორი, მაგრამ ისინი ჩვეულებრივი ადამიანები არიან. ვიღაცამ ჩაუდო თავში, რომ მელაშვილი გამყიდველია, მან რაღაც გადასცა და გაყიდა. სინამდვილეში ამდაგვარი არაფერი მომხდარა.

შეცდომაში შეყვანილები არიან ხელისუფლების, ამ პროვოკატორების მიერ. ხელისუფლებას ვადანაშაულებ ამაში, პროკურატურას და მართლმსაჯულებას.

წარმოიდგინეთ, სულ ალალმართალ კაცს ჩვეულებრივი ადამიანი მიპირისპირდება, მეძახის მოღალატეს, მაგინებს, შეურაცხყოფას მაყენებს",- ამბობს მელაშვილი.

შეგახსენებთ, რომ ცოტა ხნის წინ დავითგარეჯში ივერი მელაშვილს და მთავარი არხის გადამღებ ჯგუფს თავს დაესხნენ.