იერუსალიმის საპატრიარქო ქრისტეს აღდგომის ტაძარში შესვლაზე დაწესებული შეზღუდვების შესახებ განცხადებას ავრცელებს - კერძოდ, წმინდა ცეცხლის გადმოსვლის რიტუალზე დასწრება მხოლოდ ვაქცინირებულ ადამიანებს შეეძლებათ.

იერუსალიმის საპატრიარქოს ვებგვერდზე გავრცელებული ინფორმაციით, ქრისტეს აღდგომის ტაძარში მისული პირების ტერიტორიაზე შეშვება 09-00, 10:00-საათიდან დაიწყება. მათ ვაქცინაციის დამადასტურებელი სპეციალური დოკუმენტის წარდგენა მოუწევთ.

განცხადებაში აღნიშნულია, რომ არავაქცინირებული პირები ტაძარში არ დაიშვებიან, თუმცა წმინდა კონსტანტინესა და ელენეს მონასტრის ტერიტორიაზე სპეციალურად მათთვის დასაშვებ ადგილზე დარჩებიან.