თბილისის ერთ-ერთ უბანში, სკვერში, 7 წლის ბიჭზე , სავარაუდოდ, სექსუალურად იძალადეს. ინფორმაციას "კურიერი" ავრცელებს.
რამდენიმე დღის წინ, დღის საათებში მცირეწლოვანზე მისმა უბნელებმა იძალადეს, მოძალადეებს შორის 2 არასრულწოვანი და ერთი ზრდასრულია. არაოფიციალური ვერსიით, სავარაუდო სქესობრივი კავშირი მცირეწლოვანზე მუქარით განახორციელეს. შემთხვევის შესახებ ბავშვმა დედას თავად უთხრა, სამართალდამცველებმაც ამბავი მშობლისგან გაიგეს.
უბანში, სადაც სავარაუდო დანაშაული მოხდა, ძალადობის შესახებ თითქმის ყველამ იცის, თუმცა დეტალებზე არავინ. იცნობენ ოჯახსაც, რომლებიც იქ ქირით ცხოვრობენ, თუმცა იმის გამო, რომ საქმე არასრულწლოვანს ეხება , საჯაროდ საუბრისგან ყველა თავს იკავებს.
ვინ არიან მოძალადეები, ან არიან თუ არა დაკავებულები, ამის შესახებ ინფორმაციას შინაგანს საქმეთა სამინისტრო არ ავრცელებს, თუმცა მომხდარზე სისიხლის სამართლის საქმე აღძრულია.
ტელეკომპანიის ცნობით, დანაშაულის ჩადენის ადგილას აქტიურად მიმდინარეობდა. სამართალდამცველებმა გამოკითხეს ყველა, ვისაც დანაშაულის შესახებ, შესაძლოა, რამე ინფორმაცია ჰქონოდა, მათ შორის - არასრულწლოვნები, რომლებიც იმავე უბანში ცხოვრობენ. პოლიციამ ამოიღო ვიდეოჩანაწერებიც.
აღნიშნულ ინფორმაციას სქესობრივ დანაშაულზე ნაწილობრივ ადასტურებს დაზარალებული ოჯახის ინტერესების დამცველიც.
7 წლის ბიჭზე სქესობრივი ძალადობა გასულ წელსაც განხორციელდა, ამჯერად, დანაშაული ერთ-ერთ რეგიონში მოხდა, სადაც ბავშვი დასასვენებლად მშობლებთან ერთად იმყოფებოდა. არაოფიციალური ვერსიით, მაშინ მცირეწლოვანს ინტიმური ხასიათის ფოტოებიც გადაუღეს, არ არის გამორიცხული, მოძალადეები მსხვერპლს სწორედ ამ ფოტოებით აშანტაჟებდნენ. სავარაუდოდ, დანაშაულში მონაწილე პირები ერთმანეთთან კავშირში არიან. არსებული ინფორმაციით, ჩატარებულია ექსპერტიზაც და დასკვნა უახლოეს დღეებში გახდება ცნობილი.
მასალის გამოყენების პირობები