რუსთავში აზოტის გარხნის თანამშრომლების აქცია მესამე დღეა გრძელდება. ისნი ხელფასების 50%-ით მომატებას ითხოვენ და აცხადებენ, რომ დირექციამ არა ერთხელ გასცა ანაზღაურების გაზრდის დაპირება, თუმცა შედეგი არასდროს დამდგარა.

ამჯერად ქარხნის ადმინისტრაციამ გაფიცულ თანამშრომლებს ხელფასების მომატებაზე უარი განუცხადა, აქციის 300-მდე მონაწილე კი ხელმძღვანელობისგან განმარტებას ითხოვს:

"ჩვენი მოთხოვნები ძირითად არის, ხელფასების გაზრდა. რაც ეს მთავრობა მოვიდა ხელფასები თითქმის არ მოგვმატებია. ამ დროს დოლარის კურსი გაიქცა, ყველაფერი გაორმაგდა.

გადავწყვიტეთ, გაგვეჩერებინა წარმოება. გაგვეჩერებინა იმიტომ, რომ არანაირ დათმობაზე არ წამოვიდა ხელისუფლება, ჩვენი ხელისუფლება, ქარხნის ხელისუფლება.

გვეუბნებიან, რომ არ აქვთ საშუალება და გვიმტკიცებენ, რომ გადახედავენ მომავალში და მერე როგორც წესი დაპირებები, დაპირებები და ბოლოს არაფერი ხელმოსაკიდი აღარ იქნება" - განაცხადა გაფიცულმა თანამშრომელმა პაატა ხარებავამ.