მასწავლებელმა საფულე დაკარგა, მისი მოპარვა კი მეოთხეკლასელ მოსწავლეს დააბრალა და მის სახლში ჩხრეკა ჩაატარა... მშობლები ახლა პედაგოგის მოხსნას ითხოვენ

მასწავლებელმა საფულე დაკარგა, მისი მოპარვა კი მეოთხეკლასელ მოსწავლეს დააბრალა და მის სახლში ჩხრეკა ჩაატარა... მშობლები ახლა პედაგოგის მოხსნას ითხოვენ - ინციდენტი სიღნაღის სკოლაში

საზოგადოება - 16:18, 29 Apr, 2021

4095

ინციდენტი სიღნაღის სკოლაში - მასწავლებელმა საფულე დაკარგა, მისი მოპარვა კი მოეთხე კლასის მოსწავლეს დააბრალა და სახლში ჩხრეკისთვის მიადგა. ბავშვმა მძიმე ფსიქოლოგიური სტრესი მიიღო და სკოლაში აღარ გამოცხადდა.

როგორც გაირკვა, პედაგოგს საფულე სახლში დარჩა, რის გამოც მოგვიანებით ბოდიში მოიხადა, თუმცა მოსწავლის დედა მისი სკოლიდან გათავისუფლებას ითხოვს:

"თქვენმა შვილმა აიღოო და მერე სახლში, რომ ჩავიდა ნახა თვითონ მოვიდა და ბოდიშიც მოიხადა.

ყველაფერი ჩავყლაპეთ და მინდა, რომ ყველაფერი წარსულს ჩაბარდეს. მარტო მასწავლებელი მინდა, რომ განთავისუფლდეს", - განაცხადა მოსწავლის დედამ.

სკოლის დირექტორის თქმით, მომხდარს დისციპლინალურ კომიტეტს გადასცემს და შემთხვევას კომიტეტი განიხილავს.

"დავიღუპე - ზუსტად ესე მეუბნება სიტყვა-სიტყვით, ფული აღარ მაქვს საფულეშიო. არ ვიცი ამ ბავშვზე რატომ, იმიტომ რომ დედა თვითონ აფიქსირებს, რომ ბავშვს ერთხელ შემთხვევა ჰქონდა.

ადგილი, რომელიც მიუთითა ის კამერა გავხსენი და ამასობაში მასწავლებელი წასულა ბავშვთან სახლში, იქ მე არ ვიცი რა მოხდა. ამასობაში მოვიდა დედა, რომ ბავშვი გაიქცა.

როგორც მე პოლიციიდან ვიცი, რომ დილით მივეცი ჩემ მეუღლეს ფულიო, ეტყობა გამომრჩა მხედველობიდან და ბოდიში მოიხადა.

მე ამას გადავცემ დისციპლინალურ კომიტეტს და კომიტეტი განიხილავს ამას ყველაფერს", - განაცხადა დირექტორმა.