128-ე ბაგა-ბაღის აღმზრდელი, რომელმაც სამ წლამდე ბავშვი სასტიკად სცემა, მედეა მერაბიშვილია.

გავრცელებული ცნობით, ის პოლიციამ უკვე დაკითხა, თუმცა, ამ დროისთვის მასთან კონაქტზე გასვლა უკვე შეუძლებელია. მერაბიშვილი არც საკუთარ საცხოვრებელ სახლში იმყოფება.

როგორც აღსაზრდელის დედა აცხადებს, მის შვილს სახეზე აქვს დაზიანებები მიყენებული, ცემის ფაქტი კი აღმზრდელმა მშობელთან არ უარყო.

ბავშვის დედის თქმით, ცემის მიზეზი საჭმელი გახდა - მცირეწლოვანს შიოდა და აღმზრდელს საკვები მოსთხოვა, რის გამოც ქალმა სახეში დაარტყა. ძალადობის ფაქტი ასახულია ვიდეოკამერების ჩანაწერებშიც, რომელიც პოლიციამ გამოძიების ფარგლებში ამოიღო:

"ადგილი ჰქონდა ფიზიკური ძალადობას, შენჯღრევას და ხელის დარტყმას. ბავშვმა წვნიანი სთხოვა, რადგან თავისით ვერ ახერხებს ჭამას. აღმზრდელს ბავშვი საძინებელში ძალით შეჰყავს . იქიდან გამოსული ბავშვი მასწავლებელს სთხოვს, დაუჯდეს და აჭამოს, რადგან მშიერია. ამის შემდეგ ის ჩემს შვილს ცემს. ბავშვი სტრესშია, უცხოებს ემალება და სახეს იფარავს" - აცხადებს მცირეწლოვანის დედა.

"