ჯანდაცვის სფეროს ექსპერტმა, პროფესორმა გიორგი ფხაკაძემ ფეისბუქ-ლაივის დროს საქართველოში არსებულ ეპიდვითარებაზე ისაუბრა.

„საქართველოში ისეთი ამბები ხდება, ადამიანი შეიძლება, გაგიჟდე.

ტელევიზორს რომ ჩართავ, გული გაგისკდება, ფეისბუკზე რომ შემოხვალ – გული წაგივა. მგონი, ნარკოზის გარეშე შეგიძლია გათიშო ადამიანი საქართველოს ამბებით.

მთელ მსოფლიოში ძალიან დაძაბული სიტუაციაა, მაგრამ საქართველოში – განსაკუთრებით. ნეგატივს აქვს თვისება – ნეგატივს ყოველთვის მოაქვს მეორე ნეგატივი, მეორეს მესამე და ა.შ. აი, მთიდან რომ ზვავი წამოვა, ზუსტად ისეთი მექანიზმია.

რომ დაფიქრდე, მართლა როგორ შეიძლება, ამდენი პრობლემა იყოს კონცენტრირებული გეოგრაფიულად ასეთ პატარა ადგილას, როგორიც ჩვენი ქვეყანაა, მაგრამ ეს რეალობაა,“ – ამბობს ფხაკაძე.