რიონის ხეობის ერთ-ერთი მცველი ვარლამ გოლეთიანი Facebook live-ში განმარტავს, რატომ ჩავიდა გუშინ ჭყონდიდის ეპარქიაში და აღნიშნავს, რომ მამამისი სასულიერო პირია, ის ცაგერისა და ლენტეხის ეპარქიის წევრია, რომლის მმართველიც და მიტროპოლიტიც ჭყონდიდთან ერთად, მეუფე სტეფანეა.

მისივე თქმით, ის და მისი ოჯახი, ცაგერში იმ ეკლესიის მრევლის წევრები არიან, სადაც მიტროპოლიტი სტეფანე ღვთისმსახურებას აღავლენს. მარტვილში დღევანდელი ვიზიტის მიზანი კი არა ვინმეს მხადაჭერა, არამედ უბრალოდ ღვთისმსახურებაზე დასწრება იყო.

"მამაჩემი სასულიერო პირია.. ჩვენ არანაირ მხარეობას არ ვცნობთ, არც ჩვენი ადვოკატობა და დაცვა სჭირდება ვინმეს, უბრალოდ ჩვენ ჩავედით ღვთისმსახურებაზე დასასწრებად. ვის ინტერესებში შედის იქ ეს დაძაბულობა გაუგებარია ჩვენთვის" - ამბობს გოლეთიანი.