ინდოეთში ქაოსია - ახალი კორონავირუსის ინდური შტამი ქვეყანაში მძვინვარებს და მესამე დღეა ინფიცირებულთა და გარდაცვლილთა რეკორდული მაჩვენებელია სახეზე. გასულ დღე-ღამეში ქვეყანაში ინფიცირების 346 786 ახალი შემთხვევა დაფიქსირდა და გარდაიცვალა 2 624 ადამიანი.

თუმცა, საუბარია, რომ ქვეყანაში თვის ბოლოს გარდაცვლილთა რაოდენობა დღეში 6 ათასსაც კი მიაღწევს.

კორონავირუსის ე.წ. ინდური შტამი ადამიანიდან ადამიანზე გადადების სისწრაფით და სიმარტივით ხასიათდება, სწორედ ამიტომ სხვადასხვა ქვეყნები მაქსიმალურად ცდილობენ ეს შტამი არ დაფიქსირდეს. ჯერჯერობით საქართველოში ინდური შტამი არ ცირკულირებს, თუმცა ის გავრცელებულია მსოფლიოს 15-მდე ქვეყანაში.