საქართველოს პრეზიდენტი, სალომე ზურაბიშვილი, ე.წ. კომენდანტის საათის დროს სვეტიცხოველში წირვას დაესწრო.

ტაძრიდან გამოსულმა სალომე ზურაბიშვილმა მედიის კითხვებს არ უპასუხა.

ერთ-ერთმა სასულიერო პირმა ჟურნალისტებს არ მისცა საშუალება, პრეზიდენტისთვის კითხვები დაესვათ და განაცხადა, რომ სალომე ზურაბიშვილი ტაძარში სალოცავად იყო მისული.

"საქართველოს პრეზიდენტს უნდოდა ელოცა საქართველოს გაერთიანებითვის, ლაზარეს აღდგინების დღეა. რატომ მოითხოვს, რომ იმან თქვას. სად გაიზარდეთ, ხალხო? მოვიდა წირვაზე, ილოცა. ერთი საათი მაინც სჭირდება, რომ დალაგდეს, მიიღოს, ის ეზიარა. თქვენ კიდე მოდიხართ და ეს როგორ არის, ის როგორ არის", - ამბობს მღვდელმსახური.

საქართველოში კომენდანტის საათის დროს, 21:00-დან 05:00საათამდე გადაადგილება 2020 წლის 28 ნოემბრიდან იკრძალება.