მარტვილში, სალხინოს ღვთისმშობლის შობის სახელობის ტაძარში ამ წუთებში ლოცვას მეუფე სტეფანეს მიერ დანიშნული ახალი მღვდელმსახური აღავლენს.

რაც შეეხებათ უფლებამოსილება შეწყვეტილ სასულიერო პირებს, ისინი ეპარქიის დატოვებას უახლოეს დღეებში აპირებენ. მათი განცხადებით, ისინი დაპირისპირებას მოერიდებიან:

„რაც უნდა ის ქნან. მოვიდეს სტეფანე და დავხვდები, მთელი საქართველოს ხალხი მოიყვანოს. მრევლი ვინც მირეკავს, გავაფრთხილე, რომ არავინ მოვიდეს, მაქსიმალურად მოვერიდოთ, რომ დაპირისპირება არ მოხდეს. წავალ ალბათ, არ არსებობს ადგილი, ღმერთი რომ ვერ ვნახო. ჩვენ თუ წავალთ, ყველა წავალთ, უსამართლობას ვერ შევეგუებით, სტეფანეს მონა ვერ გავხდები. მე ქრისტეს მონა და მორჩილი ვარ, არა სტეფანესი, შორენასი და რუსების“, - განაცხადა ყოფილმა წინამძღვარმა.