მათი დაღუპვა, ოკუპანტ რეჟიმთან ერთად, ნაწილობრივ, საქართველოს ცენტრალური ხელისუფლების პასუხისმგებლობაა" - პრემიერს ენგურში დაღუპულთა არასრულწლოვანი შვილების ფინანსურად დახმარებისთვის მიმართავენ

საზოგადოება - 13:41, 22 Apr, 2021

1142

"ჩვენ ვარსებობთ - ხმა აფხაზეთიდან" - ეს არის ახალგაზრდული გაერთიანება, რომელმაც პრემიერ-მინისტრ ირაკლი ღარიბაშვილსა და მთავრობას მდინარე ენგურში, ტრაგიკულად დაღუპული ადამიანების არასრულწლოვანი შვილების ფინანსური უზრუნველყოფის ინიციატივით მიმართავს.

მათ მიმართვაში ვკითხულობთ, რომ ენგურის ტრაგედიის დროს დაღუპულთაგან თამუნა ცატავას, ორი არასრულწლოვანი, ელგუჯა გვალიასა და მაყვალა გამისონიას კი 7 წლის ილია დარჩათ.

"მივიჩნევთ, რომ აღნიშნული პირების დაღუპვა, ოკუპანტ რეჟიმთან ერთად, ნაწილობრივ, საქართველოს ცენტრალური ხელისუფლების პასუხისმგებლობაა, ვინაიდან, ენგურზე ე.წ. შავი გზით გადმოსვლის მცდელობა, ნაწილობრივ მთავრობის მიერ დაწესებულ 5 დღიან კარანტინს უკავშირდება. შესაბამისად, საქართველოს მთავრობა ვალდებულია, აიღოს პასუხისლმეგებლობა საკუთარ მოქალაქეებზე და არასრულწლოვანთა სრულყოფილი ცხოვრება უზრუნველყოს 18 წლამდე (ინიციატივა არ გულისხმობს იმ სახის დახმარებას, რომელსაც მარჩენალდაკარგულის სტატუსი ისედაც ითვალისწინებს).

გარდა ამისა, იმ შემთხვევაში, თუ აღნიშნულ პირებს დაუდგებათ ოკუპირებული რეგიონის დატოვების აუცილებლობა, მთავრობამ დაუყოვნებლივ უზრუნველყოს მათი, დევნილთათვის კუთვნილი საცხოვრებლით დაკმაყოფილება (იმ შემთხვევაში თუ მათ, აღნიშნული პროგრამის ფარგლებში, ჯერ კიდევ არ მიუღიათ საცხოვრებელი ფართი)", - წერს ახალგაზრდული გაერთიანება.