ტექნიკური უნივერსიტეტის სტუდენტებმა პროტესტის უკიდურეს ზომას მიმართეს და შიმშილობა დაიწყეს - ისინი რექტორის დავით გურგენიძის გადადგომას ითხოვენ.

სტუდენტების განმარტებით, გურგენიძეს კრიმინალური წარსული აქვს და არა ერთხელაა ნასამართლევი, რის გამოც რექტორის თანამდებობას არ იმსახურებს.

აქციის მონაწილეების განცხადებით, სანამ რექტორი თანამდებობიდან არ გადადგება, პროტესტს არ შეწყვეტენ. რაც შეეხება დავით გურგენიძეს, ის მედიასთან კომენტარს არ აკეთებს და სტუდენტებთან შეხვედრისგანაც თავს იკავებს.