რუსეთი ცდილობს შავი ზღვის ნაწილებში, მათ შორის ოკუპირებულ ყირიმთან და ქერჩის სრუტესთან, უცხო ქვეყნების სამხედო-საზღვაო და სახელმწიფო გემების მოძრაობა დაბლოკოს. ეს მოსკოვის მიერ უკრაინისთვის ძირის გამოთხრის მიზნით წარმოებულ კამპანიაში კიდევ ერთ არაპროვოცირებულ ესკალაციაა, - ამის შესახებ აშშ-ის სახელმწიფო დეპარტამენტის მიერ გავრცელებულ განცხადებაშია ნათქვამი.

"ეს განვითარება განსაკუთრებით შემაშფოთებელია ოკუპირებულ ყირიმსა და უკრაინის საზღვრების გარშემო რუსული ჯარის ზრდის შესახებ სანდო ცნობებით, რომელიც ახლა ისე მაღალია, როგორც არასდროს 2014 წლის შემდეგ“,- აღნიშნულია განცხადებაში.

აშშ მოუწოდებს რუსეთს, შეწყვიტოს რეგიონში გემების შევიწროება და უკრაინის საზღვარსა და ოკუპირებულ ყირიმში სამხედრო ძალების მობილიზება შეაჩეროს.

„შეერთებული შტატები კიდევ ერთხელ ადასტურებს მის ურყევ მხარდაჭერას უკრაინის ტერიტორიული მთლიანობისა და სუვერენიტეტისადმი, ქვეყნის საერთაშორისოდ აღიარებულ საზღვრებში, რაც მის ტერიტორიულ წყლებზეც ვრცელდება. შეერთებული შტატები არ ცნობს და არც არასდროს აღიარებს რუსეთის მიერ ყირიმის ანექსიას", - აღნიშნულია განცხადებაში.