შეშფოთებას იწვევს მთელს მსოფლიოში 25-დან 59 წლამდე ასაკის ადამიანებში კორონავირუსის გავრცელების საგანგაშო ტემპები, - აცხადებს ჯანდაცვის მსოფლიო ორგანიზაციის (WHO) ხელმძღვანელი ტედროს ადანომ გებრეისუსი სპეციალურ ბრიფინგზე. ის ამას ახალგაზრდებში სოციალური აღრევის ზრდით ხსნის. ინფორმაცია ორგანიზაციის ვებგვერდზეა განთავსებული.

მან ასევე განაცხადა, რომ ყველა საფუძველი არსებობს ითქვას - უახლოეს მომავალში COVID-19-ის კონტროლს დაექვემდებარება

”ჩვენ გვაქვს ინსტრუმენტები, რომ ეს პანდემია რამდენიმე თვის განმავლობაში კონტროლს დაექვემდებაროს, მათ მუდმივად და დაბალანსებულად გამოვიყენებთ”, - აღნიშნა გებრეისუსმა.