შემთხვევა ლაგოდეხში - სოფელ კაბალში აგრესიული მამაკაცის შესაჩერებლად ოჯახმა პოლიცია გამოიძახა, ადგილზე მისული სამართალდამცველი კი 40 წლის ქამილ ნამაზოვმა ნაჯახით დაჭრა.

როგორც ირკვევა, ნამაზანოვების ოჯახმა 112-ში მაშინ დარეკა, როდესაც შუა ხნის მამაკაცი მოკვლით ემუქრებდა. მისი აგრესიის ობიექტი კი საბოლოოდ პოლიციელი გახდა, რომელიც ამჟამად ლაგოდეხის "არქიმედეს" კლინიკაშია გადაყვანილი. რაც შეეხება ქამილ ნამაზოვს, მის დასაკავებლად პოლიციელთა დამატებითი ძალები გახდა საჭირო.

ოჯახის განცხადებით, მამაკაცი ბოლო პერიოდში ნარკოტიკული საშუალებების მომხმარებელი გახდა, რამაც მისი ფსიქიკა დააზიანა. ნამაზოვი ოჯახის წევრების გარდა აგრესიას სხვების მიმართაც გამოხატავდა.