რუსთაველის თეატრის რეჟისორი რობერტ სტურუა მსახიობ ბესო ზანგურის მხადრაჭერის გამო საზოგადოების რისხვის ობიექტი გახდა. მსახიობები და რიგითი მოქალაქეები სოციალურ ქსელში აქტიურად მოუწოდებენ მას, დატოვოს რუსთაველის თეატრი.

ამ საკითხთან დაკავშირებით სტურუამ სოციალურ ქსელში პოსტი გამოაქვეყნა და დაწერა, რომ თეატრიდან წასვლას არ აპირებს:

"დამშვიდდით, თატრიდან არ მივდივარ!

გამაგდეთ და წავალ!

მხოლოდ მაშინ!

მიყვარხართ ქართველებო!" - წერს სტურუა სოციალურ ქსელში.

შეგახსენებთ, რომ მსახიობმა ნინუცა მაყაშვილმა ყოფილი მეუღლე ბესო ზანგური თანაცხოვრების პერიოდში მის მიმართ განხორციელებულ ძალადობაში დაადანაშაულა. ნინუცას ბრალდებას საზოგადოების მხრიდან ზანგურის მიმართ აგრესია მოყვა. სტურუამ თავის მხრივ მაყაშვილი ცრუ ბრალდებისთვის გაკიცხა.