საქსტატის მონაცემებით, 2021 წლის მარტში საშუალო მომხმარებლის საარსებო მინიმუმი 178 ლარი და 10 თეთრია. ამავე მონაცმების მიხედვით, შრომისუნარიანი მამაკაცის საარსებო მინიმუმი 201 ლარია.

თებერვლის თვესთან შედარებით, საშუალო მომხმარებლის საარსებო მინიმუმი 3 ლარითა და 40 თეთრით გაიზარდა. თუმცა, გასული წლის ამავე პერიოდთან შედარებით, 4 ლარითა და 50 თეთრით შემცირდა. შრომისუნარიანი მამაკაცის საარსებო მინიმუმი თებერვალთან შედარებით, 4 ლარითა და 20 თეთრით გაიზარდა, თუმცა გასული წლის ამავე პერიოდთან შედარებით, 5 ლარითა და 10 თეთრით შემცირდა.

მინიმალური სასურსათო კალათა 40 დასახელების პროდუქტს მოიცავს, სურსათის ხარჯების წილი კი საარსებო მინიმუმის 70%-ს შეადგენს.