დღეს დედა ენის დაცვის დღეა - 14 აპრილი ისტორიაში შევიდა, როგორც კომუნისტური რეჟიმის უკან დახევის დღე, როდესაც ქართულმა საზოგადოებამ 1978 წელს ქართული ენის დასაცავად ფართომასშტაბიანი აქცია მოაწყო.

43 წლის წინ, როდესაც საბჭოთა კავშირმა ქართული ენის, როგორც სახელმწიფო ენის გაუქმების გადაწყვეტილება მიიღო, მოსახლეობა თბილისსა და ბათუმში შეიკრიბა. რუსთაველის გამზირზე დაახლოებით 100 000 ადამიანი შეიკრიბა. მათ არ დაუშვეს საბჭოთა კონსტიტუციის 78-ე მუხლში შეტანილი იმ ცვლილების დამტკიცებას, რომლის მიხედვითაც, ქართული ენა სახელმწიფო ენის სტატუსს კარგავდა. ფართომასშტაბიანმა აქცია კომუნისტური რეჟიმი იძულებული გახადა, უკან დაეხია. 14 აპრილი კი დედა ენის დაცვის დღედ გამოცხადდა.

მას შემდეგ, 14 აპრილთან დაკავშირებით ყოველ წელს დედა ენის ძეგლთან სხვადასხვა ღონისძიებები იმართება.