"ორსულად ვიყავი, როცა პირველად მცემა, დაიწყო დილის 4-ზე ჩემი ცემა და არ გაჩერდა 8-მდე...15 წუთი მქონდა სახლიდან გამოსაქცევად, 6 ჩანთა და ბავშვი მოვიკიდე და გამოვიქეცი" - ნინუცა მაყაშვილი ოჯახურ ძალადობაზე 11 წლის შემდეგ პირველად ალაპარაკდა , რასაც ბესო ზანგური გამოეხმაურა და აღნიშნა, რომ მისი მოსაზრებით, ყოფილმა ცოლმა ეს ყველაფერი "ფარულ კონვერტში“ მოგებული თანხის გამო გააკეთა და მისთვის გაუგებარია, აქამდე რატომ არ საუბრობდა ამ თემაზე.

"ამ ყველაფერში იჭყლიტება ბავშვი, რომელიც ჩემი შვილია. რომ გადავხედოთ ჩემი ცხოვრების რითმსა და წესს, თითით საჩვენებელი მამა ვარ და მეუღლე. რამენაირად გამოვავლენდი სხვაგანაც ამ მოძალადე სახეს (რომ ვიყო).“, აღნიშნავს "ნეტგაზეთთან" საუბრისას ზანგური.