სამდღიანი პატიმრობის შემდეგ, "შაბათის მთავარის" რეპორტაჟის მთავარი გმირი, მამა იონა, ახალ დეტალებზე ალაპარაკდა.

მამა იონას განცხადებით, პატიმრობიდან ახსნა განმარტების გარეშე, რეპორტაჟის ანონსის ეთერში გასვლის შემდეგ გაათავისუფლეს.

მისივე თქმით, მისი დაკავების დაგეგმვის ოპერაციაში შალვა ზამბახიძის გარდა, დაახლოებით 6 პირი მონაწილეობდა.

"თქვენი ანონსის შემდეგ, მოხდა ჩემი გათავისუფლება. რომ გამოვედი თქვენი გასული ანონსი მანახეს და თავისუფალი ხარო. არც დაკავების ოქმი და არც გათავისუფლების ოქმი არ ჩამბარებია, თითქოს არც ვყოფილვარ დაკავებული. ვუთხარი არ გავალ გარეთ-მეთქი, მანახეთ ჩემი განთავისუფლების ოქმი.

მოხდა ჩემი გამოკითხვა და მოხდა შალვა ზამბახიძის დაკავება, მაგრამ მაგის გარდა სხვა პოლიციელებიც არიან ჩართული ამ საქმეში"-განაცხადა მამა იონამ "მთავართან" საუბრისას.