ხმაური კანცელარიასთან - ბიზნესის სფეროს წარმომადგენლებს, სამართალდამცველებმა, კარვების ჩადგმის საშუალება არ მისცეს.

ადგილზე პანდემიის დროს დაწესებული შეზღუდვების გამო დაზარალებული რესტორატორები არიან შეკრებილები, რომლებიც კომენდანტის საათის მოხსნასა და მუშაობის უფლებას ითხოვენ.

ისინი ამბობენ, რომ კარვების წართმევის მიუხედავად, ღამეს მაინც მთავრობის ადმინისტრაციასთან, სანთლების შუქზე გაათევენ.

სამართალდამცავები აცხადებენ, რომ მათ უფლება არ აქვთ მთავრობის ადმინისტრაციასთან კარავი გაშალონ და მოუწოდებენ ბიზნესსუბიექტებს, შეწყვიტონ ადგილზე კარვების მიტანა.

აღნიშნულ ფაქტთან დაკავშირებით კი ინფორმირებულია სახალხო დამცველის აპარატი.