"ივლის-აგვისტოში, სავარაუდოდ, მილიონ დოზა ნოვავაქსის ვაქცინას მივიღებთ" , - ამის შესახებ დაავადებათა კონტროლის ეროვნული ცენტრის დირექტორმა, ამირან გამყრელიძემ , საკოორდინაციო საბჭოს სხდომის შემდეგ განაცხადა.

"ნოვავაქსთან უფრო კონკრეტულია საუბარი, არის აგვისტოდან. ნოვავაქსი არ იწარმოება ჯერ. გაიარა სამი ფაზა კვლევის. კომპანია ნოვავაქსმა გააკეთა ახალი გენერაციის ვაქცინა, სპაიკ-პროტეინზე დამყარებული და მისმა კლინიკურმა კვლევებმა აჩვენა მაღალი ეფექტურობა სამივე ფაზის. მისცა ლიცენზია ინდოეთის სერუმ ინსტიტუტს და მან მილიარდი დოზა უნდა აწარმოოს ნოვავაქსის, მათ შორის 300 მლნ კოვაქსისთვის. ჩვენთან შემოდის კოვაქსის საშუალებით და პირდაპირი მოლაპარაკებაა სერუმ ინსტიტუტთანაც. გათვალისწინებულია, იქ წერია აგვისტო, ჩვენ ვცდილობთ, ეს იყოს ივლისი", - განაცხადა ამირან გამყრელიძემ.

ცნობისთვის, საქართველოში ამ დროისთვის ორი ვაქცინა - ასტრა-ზენეკა და ფაიზერია ხელმისაწვდომი.