"ერთიანი ნაციონალური მოძრაობის" კასპის რაიონული ორგანიზაციის თავმჯდომარე ნუგზარ ნონიაშვილის თქმით, მმართველი პარტიის ადგილობრივი წარმომადგენლები საჯარო მოხელეების მობილიზებას ცდილობენ, რათა გია გაჩეჩილაძის, იგივე უცნობის მიერ დაანონსებულ აქციაზე წაიყვანონ.

"მობილიზებულად მიჰყავთ ეს ადამიანები მუნიციპალიტეტიდან, რა თქმა უნდა, ამას ერთი ხელწერა აქვს და ერთი ორგანიზატორი ჰყავს - "ქართული ოცნება".

ეს ადამიანები, რომელიც ნებით თუ უნებლიედ მონაწილეობენ საქართველოს მომავლის ძირის გამოთხრაში, დღესაც იღებენ ამ ე.წ. უცნობის აქციაში მონაწილეობას.

ჯობს, რომ პირდაპირ თქვან, რომ ქართული ოცნების აქციაზე მიდიან, ვიდრე ვიღაც უცნობისა და ჯაბანასი" - ამბობს ნონიაშვილი.