"მეუფე სტეფანეს ყველა მოქმედება არის მხარდაჭერილი, ლეგიტიმური და კანონიერი ", -განაცახდა საპატრიარქოს საზოგადოებასთან ურთიერთობის სამსახურის უფროსმა, მამა ანდრია ჯაღმაიძემ, საპატრიარქოში მღვდელმთავრების კრების დასრულების შემდეგ.

როორც ჯაღმაიძემ განმარტა, ეს არ არის იმ ფორმატის შეკრება, რომელიც გადაწყვეტილებას იღებს და დღევანდელ კრებაზე მათ უბრალოდ იმსჯელეს

მისივე თქმით, სინოდი მიიღებს ამ სასულიერო პირების აპელაციას და განიხილავს.

"პირველ რიგში უნდა ითქვას, მკაფიოდ და ერთმნიშვნელოვნად, რომ მეუფე სტეფანეს ყველა გადაწყვეტილება, ყველა მოქმედება, რაც მან ეპარქიაში განახორციელა არის მხარდაჭერილი, ლეგიტიმური და კანონიერი. ამიტომ გაგრძელდება მხარდაჭერა, ყველა იმ ზომებისა, რაც მეუფე სტეფანემ მიიღო", - თქვა ანდრია ჯაღმაიძემ.

ჯაღმაიძემ ჭყონდიდში განვითარებულ მოვლენებს დესტრუქცია უწოდა და მღვდელმთავრების სახელით მოუწოდა ყველა იმ სასულიერო პირს, რომელმაც მიიღო ეპიტამია მეუფე სტეფანსეგან, დაემორჩილონ მას და შეასრულონ მითითებები.