39 ცოლი, 94 შვილი, 14 რძალი, 33 შვილიშვილი 1 შვილთაშვილი - მსოფლიოს ყველაზე დიდი ოჯახი ინდოეთში ცხოვრობს

ეს საინტერესოა - 17:23, 08 Apr, 2021

9213

ინდოეთის მოქალაქე, ზიონა ჩანა (Ziona Chana) 1945 წელს დაიბადა. ის არის ქრისტიანული სექტის "ჩანა პავლის" (Chana páwl) ლიდერი. ეს სექტა მისმა მამამ 1942 წელს დაარსა. სექტა პოლიგამიას აღიარებს და ის 4000-მდე წევრს აერთიანებს.

ზიონა ჩანა რეკორდსმენია - მას მსოფლიოში ყველაზე დიდი ოჯახი ჰყავს: 39 ცოლი, 94 შვილი, 14 რძალი, 33 შვილიშვილი და ერთი შვილთაშვილი. აღსანიშნავია, რომ ზოგიერთ ცოლს თავსი საკუთარი შვილები ჰყავს. თავად ზიონას ჩათვლით ოჯახში 181 წევრია, ისინი ყველა ერთად სოფელ ბაკტაუნგ მიზორამში 4 სართულიან სახლში ცხოვრობენ, სადაც 100 ოთახია. ისინი ერთ ჭამაზე 100 კგ ბრინჯს, 50 კგ კარტოფილს და 30 ქათამს ჭამენ. ბავშვებისთვის სახლში სკოლაა აშენებული.

ცოლების ოთახები გარკვეული წესით არის განლაგებული - რაც უფრო ახალგაზრდაა ცოლი, მისი ოთახი ქმართან უფრო ახლოს მდებარეობს. ცოლები თავის მოვალეობას როტაციული პრინციპით ახორციელებენ. ასაკით უფროსი ცოლი ზატიანჯი 71 წლისაა და ის "უფროსად" ითვლება. ის აქცევს ყურადღებას ბავშვების განათლებას და წესრიგს სახლში. ყველაზე უმცროსი ცოლი 27 წლისაა. ზიონას პირადი რეკორდის გაუმჯობესება სურს და ახალ ცოლებს მსოფლიოს მასშტაბით ეძებს.

აღსანიშნავია, რომ უფროსი ვაჟს 50 წლის პარლიანას ჯერჯერობით 2 ცოლი და 13 შვილი ჰყავს.

ზიონა ჩანა აცხადებს, რომ მას სახელმწიფოსგან დახმარება არასდროს მიუღია, რითიც ძალიან ამაყობს.