მომღერალი ბორის ბედია ფიქრობს, რომ ქალს სულიერი სილამაზე, მოკრძალება და თავმდაბლობა ალამაზებს. მისი აზრით, როგორი ლამაზიც უნდა იყოს ქალი თუ წყვილს შორის სულიერი კავშრი არ არის, ურთიერთობას აზრი არ აქვს.

სიყვარულზე, ურთიერთობასა და გოგონებზე მომღერალმა ჟურნალთან „თბილისელები“ ისაუბრა. გთავაზობთ ინტერვიუდან ამონარიდს:

„ადამიანი როცა გიყვარს, პოზიტიური, კეთილი და ლაღი ხარ. თუ შეყვარებული ხარ, ესე იგი, ხარ ბედნიერი, რადგან სიყვარულია თავად ბედნიერება. ოღონდ ეს ორმხრივი უნდა იყოს. როცა ხედავ, ადამიანი მოგწონს, რომელიც ზედაც არ გიყურებს, მაშინ მასთან უნდა გაწყვიტო კავშირი. მეც მქონია შემთხვევა და დავუწუნებივარ, მე კი არა და შეიძლება, ალენ დელონი არ მოსწონდა ვინმეს. უბრალოდ, არის ქალების კატეგორია, რომლებსაც სიმპათიური ბიჭები არ მოსწონს. ხანდახან ლამაზ გოგოს ისეთი „ვირთაგვა“ შეყვარებულები ჰყავს, მითქვამს: თვალები სად აქვს-მეთქი. თუმცა, მისთვის შეიძლება, ის ყველაზე ლამაზია, ამას ვერ ახსნი. გარეგნობას მნიშვნელობა აქვს, მაგრამ სულიერი მდგომარეობა ყველაზე მნიშვნელოვანია. თუ წყვილს შორის სულიერი კავშირი არ არსებობს, ასეთი ოჯახი ვერ შედგება. როცა ადამიანებს ერთმანეთში სალაპარაკო აღარ აქვთ, იქ უკვე დამთავრებულია ყველაფერი, ტყუილია მათი ყოფა. სიყვარული არის სულიერი მდგომარეობა და არა რაღაც მატერიალურზე ჩაციკვლა.

ქალს ალამაზებს მოკრძალება, თავმდაბლობა და გარეგნული სილამაზე. სოციალურ ქსელში ბევრი გოგონა მიგზავნის მეგობრობას, ლამაზი გარეგნობის, მაგრამ ვულგარულად ჩაცმულები. ეს ასაკი გავიარე, ასეთი რაღაცები 20-21 წლის ასაკში მომწონდა. ახლა 30 წლის ვარ და სხვა შეხედულებები მაქვს“, - ამბობს ბედია „თბილისელებთან“ საუბრისას.