ნამახვანჰესის მშენებლობის წინააღმდეგ რიონის ხეობის მცველების პროტესტის ორი კერა, სადაც აქციის მონაწილეებთან ერთად სამართალდამცველები იმყოფებიან. აქტივისტები აცხადებენ, რომ ხელისუფლება გადასულია რეპრესიების ენაზე და ასე ახდენს ძალის დემონსტრირებას:

"ძალის დემონსტრირებას ახდენს ხელისუფლება იმიტომ, რომ პრაქტიკულად თვითონ ამბობენ რომ პასუხი არ აქვთ არცერთ კითხვაზე, არგუმენტი არ აქვთ თავიანთი მოქმედების, უბრალოდ, ახლა მარტივად მოსახლეობას ესაუბრებიან რეპრესიების ენით, ჩვენ როგორც გვინდა ასე იქნება, ესაა ნათელი დემონსტრაცია რაც ორი დღეა ხდება აქ", - განაცხადა აქტივისტმა ვარლამ გოლეთიანმა.

ტერიტორიაზე უკვე ორი დღეა საპატრულო პოლიციის უპრეცედენტო რაოდენობაა მობილიზებული. გუშინ ადგილზე წყლის ჭავლებიც შეიტანეს. აქტივისტების თქმით, ისინი დანებებას არ აპირებენ.